高海寧變長髮姑娘！湯洛雯贊馬國明媽媽牌章高

贊馬國明媽媽牌章高湯洛雯唔使松章

藝人湯洛雯（靚湯）、高海寧（高Ling）、戴祖儀、薛家燕及吳若希等，今日（13日）出席節目《麻雀斗室三缺一》拜神。

靚湯表示自己牌藝屬「穩陣派」：「同朋友打好細，覺得台灣牌上落大，好恐怖。（有冇同馬國明屋企人打牌？）試過，都系過時過節，伯母（牌章）好勁。（有冇松章？）唔使啦，咩年代？總之打完佢都仲有同我傾偈，冇杯葛我。」

談到馬國明有意再置業，靚湯表示：「佢都回應咗，佢系有留意樓市，鍾意投資磚頭。（同你夾份一齊買？）唔會，因為我冇錢，同屋企人買嗰層樓負擔已經好大。（叫佢加埋你個名？）唔使，我唔會因為咁影響大家感情，亦都唔會因為咁而選擇信唔信任佢。我都有同佢講，第二時一齊住，租樓都冇所謂！」

講到她今年傳了幾次結婚，靚湯笑說：「唔記得喇，不過傳聞有層次嘅，可能嚟緊傳我哋隱婚。我依家都習慣笑住回應，最搞笑系朋友傳短訊畀我唔系求證，而系恭喜我，或者到事實嘅時候，大家反過來唔信！」